[i57i]                                               DE LA VILLE
36. — [Mandements aux Quarteniers pour l'armement des bourgeois.]
20 décembre 1571. (A, fol. 274 v°; B, fol. 198V0.)
Oultre ledict arrest, ont dict lesdictz sieurs avoir commandement de la Court pour faire prandre les armes par les bourgeois et cappitaines des dixaines, attendu la necessité presente, affin que les voisins puissent secourir l'ung l'aultre allencontre des sédi­tieux. Au moyen de quoy furent expédiez les man­demens, desquelz la teneur ensuict :
De par les Prevost des Marchans el Eschevins de la Ville de Paris.
«Anthoine Huot, Quartenier de lad. Ville, nous vous mandons que, suivant l'ordonnance de la court de Parlement, à nous rapportée au Bureau d'icelle Ville par Messieurs de Masperrault, conseiller du Roy et Maistre des Requestes ordinaire de son Hostel, et de Fortia, aussy conseiller en lad. court, vous ayez à prier et neantmoings enjoindre aux bourgeois de vostre quartier qui ont commandé en icelle durant les troubles, qu'ilz ayent, avec les notables bourgeois de chacune dixaine, à prandre leurs armes pour empescher toute sédition et esmotion populaire qui pourroyt survenir en icelle Ville. Et qu'il n'y aict faulte, actendu la grande importance de l'affaire.
k Faict au Bureau, le xx™ jour de Decembre 1571.»
Pareil mandement a esté expedié à sire Jacques Kerver, Quartinier :
#e par les Prevost des Marchans et Eschevins de la Ville de Paris.
«Sire Jacques Kerver, Quartenier de lad. Ville, nous vous mandons que ayez à lever, en vostre quartier, quarante hommes armez et ecquippez, lesquelz ferez tenir prestz demain, sept heures du matin, pour eslre envoyez ès lieux où il leur sera commandé, et conduictz par leur dixainier ou aultre qui sera advisé. Et à ceste fin, ferez sçavoir à voz dixainiers qu'ilz ayent à les tenir prestz et bien armez en la maison de vous, précisement ù lad. heure. Sy n'y faictes faulte.
"Faict au Bureau de lad. Ville, le vingtiesme jour de Decembre mil v° lxxi.»
DE PARIS.                                                    429
#e par les Prevost des Marchans el Eschevins de la Ville de Paris.
«Sire Nicolas Paulmier, Quartinier de lad. Ville, nous vous mandons que vous ayez à enjoindre à tous les bourgeois, manans et habitans de vostre quartier, ayans ostementz t1) à leurs maisons, de les oster promptement, affin de mieulx empescher les sé­ditions et esmotions populaires qui pourroient advenir en cestedicte Ville, et qu'ilz puissent plus commo­dement secourir les ungs les autres. Et que ad ce il n'y aict faulte, actendu l'importance de l'affaire.
" Faict le xxme jour de Decembre mil v° lxxi. »
Semblables mandemens furent envoyez à aulcuns Quarteniers de lad. Ville.
37. — [Ordre au Maître .des oeuvres
pour le transport des demolitions
de la Pyramide au cimetière des Innocents.]
20 décembre 1571. (A, fol. 27.5 v°; B, fol. 199V0.)
#e par les Prevost des Marchans el Eschevins de la Ville de Paris.
"M" Guillaume Guillain, Maistre des œuvres dc lad. Ville, ne faillez à recouvrer presentement des hacquetz, chevaulx et autre3 choses necessaires pour transporter ceste nuict la desmolilion de la Pyra­mide de la rue Sainct Denys dedans le Cymetiere des Sainctz Innocens. Sy n'y faictes faulte, actendu la grande importance de l'affaire.
«Faict led. xxn,e jour dud. moys de Decembre l'an mil cinq cens soixante et unze.
"Prenez aussy des ouvriers pour l'effect et execu­tion de la presente ordonnance, et ilz seront raison­nablement payez.»
38. — [Mission de l'échevin de Cressé près du Maréchal de Montmorency.]
20-21 décembre 1571. (A, fol. 276 r°; B, fol. 199 v°-)
Pour de tout donner advis à mondict sieur le Ma­reschal-, fut depcsché vers luy Monsieur de Cressé, l'ung desd, sieurs Eschevins, auquel fut expedié lettres cy insérées ;
k Monseigneur, depuis les lettres que moy, Prevost des Marchans,.vous ay escriptes, nous avons advisé
(l) -ostementz- (sic) dans les deux Registres. Peut-être faudrait-il lire -osteventz-, mot employé fréquemment au xvi* siècle pour auvents.